९३२० प्रशिक्षार्थीहरुका लागि सीप परिक्षणको प्रकृया शुरु

मिति २०७८/६/७ का दिन राष्ट्रिय सीप परिक्षण समिति तथा ग्रामीण उद्यम तथा विप्रेषण आयोजना (समृद्धि)का बीच सम्झौता पत्रमा हस्ताक्षर गर्ने कार्य  सम्पन्न भएको छ ।

सम्झौता पत्रमा समितिका तर्फबाट समितिका निर्देशक टेक बहादुर मल्ल तथा सहायक निर्देशक केशव शर्मा घिमिरे र आयोजनाका तर्फबाट आयोजना प्रबन्धक शालिक राम दाहाल तथा सहम्भाग १.३ (मर्यादित रोजगार) का टिम लिडर बालमुकुन्द न्यौपानेले हस्ताक्षर गरेका छन् । कुनै पनि आयोजना / परियोजना अन्तर्गत तालिम प्राप्त गरिरहेका प्रशिक्षार्थीहरुको सीप परिक्षणका निम्ति राष्ट्रिय सीप परिक्षण समिति र सम्बन्धित परियोजना बीच नै सम्झौता हुनुपर्ने प्रवधान अनुरुप उक्त सम्झौता गरिएको हो । समृद्धि आयोजनाबाट व्यवसायिक सीप तालिम अन्तर्गत हाल तालिम प्राप्त गरिरहेका ९३२०  प्रशिक्षार्थीहरुका लागि सीप परिक्षणको प्रकृया शुरु गर्न यस सम्झौताले मार्ग प्रशस्त गरिदिएको छ ।