आरके श्रीवास्तव२०८० पुष २० गते १२:५० मा प्रकाशित
महोतरी । मधेस प्रदेशको महोतरी जिल्लाको बर्दिबासमा कोपोमिस पुनर्ताजगी तालिम जारी रहेको छ । बर्दिबास नगरपालिकाको आयोजना र ग्रामीण उधम तथा विप्रेषण आयोजना (समृद्धि) को प्राविधिक सहयोगमा तीन दिने तालिम बर्दिबास स्थित नमोबुद्ध होटेलमा चलिरहेको छ ।
उक्त तालिममा बर्दिबास नगरपालिका अन्तर्गतको २३ वटा सहकारी संस्थाहरूको सहभागीता रहेको छ । सो तालिममा सहकारी संस्थाको तथ्यांक तथा विवरणहरू वार्षिक रूपमा एक पटक अनिवार्य रूपमा प्रविष्ट गर्नुपर्ने,कोपोमिस प्रणालीमा व्यवस्था गरिएको नयाँ समष्टिगत विवरण सिकाइ संघसंस्थाको आधिकारिक तथ्यांक प्रविष्ट गर्न सिकाइएको छ ।
सहकारी तथा गरिबी सम्बन्धि व्यवस्थापन सूचना प्रणाली सहकारी तथा गरिबी निवारण क्षेत्रको एक औपचारिक ,स्वचालित र आधुनिक सूचना तथा संचार प्रविधिमा आधारित व्यवस्थापन सूचना प्रणाली हो ।
यसले सरोकारवाला,निर्णयकर्ता संगठन भित्रका कार्य,क्रियाकलाप तथा संगठनात्मक व्यवस्थाहरू संगठित गर्ने ,मूल्यांकन गर्न र कार्यकुशलता पूर्वक व्यवस्था गर्ने बर्दिबास नगरपालिकाकि सहकारी शाखाकी प्रेम कुमारी कार्कीले जानकारी गराइन् ।
