आरके श्रीवास्तव२०८० पुष १७ गते १९:४५ मा प्रकाशित
रौतहट । समृद्धि आयोजना आयोजना व्यवस्थापन कार्यालय इटहरि सुनसरीको आयोजनामा जिल्लाको चन्द्रनिगाहपुरमा सहकारी र आइएमइ रेमिटान्सबीच अन्तरक्रिया सम्पन्न भएको छ ।
नेपाल सरकारको उद्योग वाणिज्य तथा आपूर्ती मन्त्रालय ग्रामीण तथा विप्रेशन आयोजना (समृद्धि) अन्तर्गत एक दिने अन्तरक्रिया कार्यक्रम भएको हो । गत बिहीबार भएको कार्यक्रममा आइएमइ रेमिटान्स कम्पनीका मधेस प्रदेश प्रमुख विजय सुवेदीबाट रेमिटान्सको हालको अवस्था, अवसर, चुनौती र सहकारी संस्थाको माध्यमबाट रेमिटान्सलाई कसरी लगानीयोग्य ऋण र बचतमा प्रोत्साहन गर्ने इत्यादी विषयमा व्यापक छलफल गरिएको थियो ।
आइएमइ लाइफ इन्स्योरेन्सका मधेस प्रदेश प्रमुख रवि शंकर सर्राफबाट वर्तमान अवस्थामा सहकारी संस्थाको ऋणलाई जोखिमबाट जोगाउन ऋणीको पनि विमा गर्न सकिने र यसको प्रावधान के कस्तो रहेको छ भने जानकारी गराइएको थियो । त्यस्तै ऋणीको विमा गर्दा भुक्तानी गर्नुपर्ने विमा शुल्क र विमितको मृत्यु वा दुर्घटना हुँदा के कस्तो सेवा पाइने कुरामा जानकारी गराइएको थियो ।
अन्त्यमा रौतहट जिल्लाको चन्द्रनिगाहपुरमा रहेको नव विकास बचत तथा ऋण सहकारी संस्थाको मुख्य व्यवस्थापक यज्ञप्रसाद प्रसाइबाट समृद्धिको प्राविधिक सहयोगमा सञ्चालित समृद्धि विप्रेषण खाताको विशेषता,अवस्था,चुनौती र यसको कार्यविधिको छलफल र जानकारी प्रदान गरेका थिए । कार्यक्रम सञ्चालक समृद्धि आयोजना विक्तिय समावेशिकरण अधिकृत इन्दिरा श्रेष्ठले समृद्धि आयोजनाको आगामी ६ महिनाको योजना तथा कार्यक्रमको बारेमा प्रष्ट पारेकी थिइन् ।
News Link: www.souryaonline.com/2024/01/569747.html
