२०७७ असार २५-३१ गते होटल पाथिभरा, ईटहरी र साउन ३-८ गते, होटल पावन मिथिला बर्दिवास-महोत्तरी आयोजनाले प्रथम चरणको लागि छनौट गरेका ५ वटा कृषि जन्य वस्तुहरू तरकारी, वाख्रा, औषधिजन्य सुगन्धित जडिबुटी, दुग्ध र माछा आपूर्ति श्रृङ्खलाको छुट्टाछुट्टै कृषक डायरीको छपाई गरी यसको कार्यान्वयका लागि सम्बन्धित कर्मचारीहरूलाई अभिमुखिकरण गर्ने काम गर्यो।
आयोजना प्रमुख, श्री शालिकराम दाहाल, लेखा अधिकृत, श्री अजय बर्तौला तथा नायव सुब्बा श्री लोमस आचार्य सहित उच्च व्यवस्थापन समुहका कर्मचारीहरू — किसान डायरी तथा व्यवस्थापन सूचना प्रणाली(MIS) अभिमुखिकरण कार्यशाला गोष्ठीमा उपस्थित हुनु भई कार्यशालाको औचित्य माथि प्रकाश पार्नु भई कार्यक्रमलाई सहजिकरण गर्नु भएको थियो। आयोजनाले ट्याबलेट(tablet) को उपयोगवाट पनि किसान डायरी र MIS का लागि सूचना संकलन गर्ने प्रणालिको विकास गरेको छ। कृषक डायरीको माध्यमबाट किसानलाई आफ्नो उत्पादनको लाभ-लागत गणना गर्न, व्यावसायिक कारोवारको नियमित रेकर्ड राख्न र आँफूलाई आवश्यक योजना बनाउन सहयोग पुर्याउने अपेक्षा राख्दै सम्बद्ध किसानको बारेमा नियमित व्यवसायिक सूचना एवं ज्ञान प्राप्त गर्ने उद्देश्य लिईएको छ।