RERP

Government of Nepal

Ministry of Industry, Commerce & Supplies

Rural Enterprises and Remittances Project

(SAMRIDDHI)

IFAD Logo
nepal government

Government of Nepal

Ministry of Industry, Commerce & Supplies

Rural Enterprises and Remittances Project

(SAMRIDDHI)

Activity

सार्वजनिक सुनुवाई कार्यक्रम

 

पृष्ठिभूमि
कोशी सगरमाथा कोरिडोरमा समृद्धि सह-लगानी विन्डो १ अन्तर्गत पहिलो किस्ताको काम सम्पन्न भएको बेलका नपा ८ मा अवस्थित बैरुवा बाख्रा पालन समुहमा मिती २०७८ श्रावण ३ गते सार्वजनिक सुनुवाइ कार्यक्रम सम्पन्न भएको छ । बेलका नपाका मेयर दुर्गा थापा प्रमुख अतिथि र वडा नं. ८ का अध्यक्ष जयकुमार राई अतिथि रहको सो कार्यक्रममा जम्मा ३७ जनाको सहभागिता रह्यो । 
 
  • पहिलो कार्यक्रमः खर्च विवरण सुनुवाइ
समुहका सदस्य हुकुम सिंह राईले कार्यक्रम सञ्चालन गर्दै पहिलो किस्तामा भएको खर्चको विवरण प्रस्तुत गरे । जुन यसप्रकार रहेको छ । 
समृद्धिको लगानी                रुपैयाँ    १७७५००
समुहको लगानी                  रूपैयाँ  ४१५५००
जम्मा                                रुपैयाँ  ५९३०००
बाँकी किस्ताबाट घाँस खेति र गोठ सुधारको काम गर्ने योजना रहेको छ । 
 
सामग्री संख्या      जिन प्रतिशत           प्रति ओटा          मुल्य जम्मा
बोयर बोका २             ९३.७५               २०००००         ४०००००
बोयर बोका १             ८७.५                 १९२०००         १९२०००
 
  • दोस्रो कार्यक्रमः बोका हस्तान्तरण
मेयरद्वारा कृषक समुहका अध्यक्षलाई बोयर बोका हस्तान्तरण गरियो । 
 
  • तेस्रो कार्यक्रमः मन्तव्य कार्यक्रम
यस कार्यक्रममा आयोजनाका तर्फबाट आपूर्ति श्रृंखला अधिकृतले आयोजनाको उद्देश्यबारे प्रष्ट पार्दै भने, “व्यवसायिकता वृद्धिको लागि परम्परागत गोठको सुधार, उन्नत घाँस खेति तथा नश्ल सुधार गर्न आवश्यक छ । साथै सालाखाला अन्दाजमा मुल्य तोक्ने चलन छ तर हामी सामुहिक बजारीकरणको माध्यमबाट जोखेर बिक्री गर्न प्रोत्साहन गर्दछौ । आयोजनाले चाँडै प्राविधिक तालिम पनि उपलब्ध गराउँनेछ ।” समुहले लगनशील भएर काम गरे आयोजनासँगको सहकार्यले आगामी दिनमा समुहले अवश्य प्रगति गर्ने उनले बताए  । त्यस्तै मन्तव्यको क्रममा योजना, अनुगमन तथा मुल्याङ्कन अधिकृतले भनिन्, “स्थानीय सरकारसँगको जवाफदेहिताबारे आयोजना सचेत छ । स्थानीय तहसँग सहकार्य र समन्वय गरी कार्यान्वयन अगाडि बढाउने क्रममा बेलका नपाको सल्लाह, सुझाव र सहकार्य महत्वपूर्ण रहेको छ” । आगामि दिनमा पनि नपा तथा वडा अध्यक्षबाट यस्तै सहकार्य र आयोजनाको कामप्रति निगरानी रहने अपेक्षा गरेको उनले बताइन् । स्थानीय वडा अध्यक्षले आयोजनाको काम सह्रानीय भएको भन्दै आयोजनाको काममा आफ्नो सहयोग रहने प्रतिवद्धता जाहेर गरे । 
मन्तव्यको क्रममा मेयर थापाले भने, “समृद्धि आयोजनाको काम सुरुमा केही ढिलो भएपनि अहिले यस्ले गति लिएको पाइयो । दुध व्यवसायमा भएको काम राम्रो देखिएको छ । स्थानीय लाभग्राहीको आवश्यकता र नपाको नीति अनुकुल हुने गरी आयोजनाले आफ्नो नीति परिमार्जन गर्नुपर्ने देखिन्छ । नपाको कार्यक्रमसँग सहकार्य गरेर काम गरे राम्रो नतिजा आउन सक्छ । बेलाकाले पनि वडाहरुको संभावनाका आधारमा कृषि बस्तुको जोन छुट्याइ बजेट व्यवस्था गरेको छ । बाख्रा पालन पनि प्राथमिकतामा राखि ३०००,००० बजेट विनियोजन गरेको छ । बजारको लागि विक्री संकलन केन्द्रको व्यवस्था गरेको छ । जिउँदो खसि मुल्य ५४० प्रति केजी कायम गरिएको छ ।” कृषि मोवाइल एपको माध्यमद्वारा कृषिसँग सम्बन्धित सेवाहरुको सबै सुचनामा पहुँच बढाउने प्रयासबारे उनले प्रस्ट पारे र अन्यमा गुणस्तयुक्त र नतिजा उन्मुख काम गर्न आयोजनालाई अनुरोध गरे ।
 
 

Staffs

  1. Ms Sita Bhattarai
  2. Yogesh Deuba

Copyright RERP | SAMRIDDHI © 2020